பின்லேடன் புதைக்கப்பட்ட பரபரப்பு தகவல்

கடந்த ஆண்டு மே 1 அன்று அமெரிக்காவின் நேவி சீல் குழுவால் கொல்லப்பட்டதாக கூறப்படும் அல் காயிதா தலைவ்ர் ஒசாமா பின் லேடன் எவ்வாறு புதைக்கப்பட்டார் என்ற தகவல்களை அஸோசியேட் பிரஸ் நிறுவனம் பெற்றுள்ளது.

தகவல் சுதந்திர சட்டத்தின் மூலம் இத்தகவலை பெற்றுள்ள அந்நிறுவனம் இஸ்லாமிய அடிப்படையில் ஒசாமாவின் உடல் கழுவப்பட்டு பின் வெள்ளை துணியில் வைக்கப்பட்டதாகவும் குறிப்பிட்டுள்ளது. 

வெள்ளை துணியில் ஒசாமாவின் உடல் பின் ஒரு அரபியின் உதவியுடன் மத வாசகங்களை ராணுவ அதிகாரி ஒருவர் சொல்ல ஒசாமாவின் உடல் ஒரு பெட்டியில் வைக்கப்பட்டு கடலில் எறியப்பட்டதாக சொல்கிறது.

ஒசாமா எங்கு புதைக்கப்பட்டார் என்ற விபரம் வெகு சிலருக்கே தெரியும் என்று கூறும் அவ்வறிக்கை ஒசாமா கொல்லப்பட்ட மறு தினம் மே 2 அன்று இது தொடர்பான மின்னஞ்சல் அனுப்பப்பட்டதாகவும் சொல்கிறது.

ஆனால் ஒசாமாவின் உடல் எங்குள்ளது, ஏன் ஒசாமாவின் இறப்பு சான்று வெளியிடப்படவில்லை, இறந்தது ஒசாமா தான் என்பதை உறுதிபடுத்தும் டி.என்.ஏ டெஸ்ட் ஏன் எடுக்கப்படவில்லை என்பதற்கு விளக்கம் ஏதும் கிடைக்கவில்லை என்றும் அசோசியடேட் பிரஸ் கூறியுள்ளது.