மத்திய உள்துறை அமைச்சகத்தில் தீ விபத்து

மத்திய உள்துறை அமைச்சகத்தில் இன்று மதியம் ஏற்பட்ட தீ, அமைச்சக வளாகத்தில் பரபரப்பை உண்டாக்கியுள்ளது.

புதுடெல்லி வடபகுதியில் உள்ள மத்திய உள்துறை அமைச்சகத்தின் 2வது மாடியில் அறை எண் 102-ல் மதியம் 2.15 மணியளவில் திடீரென தீ விபத்து ஏற்பட்டது. உடனடியாக தீயணைப்பு வாகனங்கள் வரவழைக்கப்பட்டன. தீயணைப்பு வீரர்கள் விரைந்து வந்து தீயை அணைக்கும் முயற்சியில் ஈடுபட்டுள்ளனர். மின்கசிவு காரணமாக தீ விபத்து ஏற்பட்டதாக தகவல் வெளியாகியுள்ளது.  விடுமுறை நாள் என்பதால் ஊழியர்கள் யாரும் பணிக்கு வரவில்லை. இதனால் பெரும் விபத்து தடுக்கப்பட்டது. கடந்த 8ம் திகதியும் மத்திய உள்துறை அமைச்சகத்தில் தீ விபத்து ஏற்பட்டது குறிப்பிடத்தக்கது.