சர்வதேச அகதிகள் தினமான இன்று

சர்வதேச அகதிகள் தினமான இன்று, இந்தியா முழுவதும் 2 லட்சத்திற்கும் அதிகமான அகதிகள் வாழ்கின்றார்கள் என்று ஐநா தூதரகம் தகவல் வெளியிட்டுள்ளது.

இவர்களில் இலங்கை மற்றும் திபெத்தை சேர்ந்த அகதிகள் 2 லட்சத்திற்கும் அதிகமாக இருக்கின்றார்கள் என்று தெரிவிக்கப்பட்டுள்ளது. மேலும் ஆப்கானிஸ்தான் மற்றும் மியான்மரை சேர்ந்தவர்கள் 17,380 பேர் உள்ளதாக தெரிவிக்கப்பட்டுள்ளது. உலக அளவில் கடந்த ஆண்டு மட்டும் சுமார் 8 லட்சத்திற்கும் அதிகமான மக்கள் தங்களின் சொந்த நாடுகளை விட்டு வெளியேற வற்புறுத்தப்பட்டிருப்பதாகவும் ஐநா தெரிவித்துள்ளது. சர்வதேச அகதிகள் தினமான இன்று ஐநா வெளியிட்டுள்ள இந்த தகவல்கள் அனைவரையும் அதிர்ச்சியில் ஆழ்த்தியுள்ளது.