அசாமில் வெள்ளப்பெருக்கு: 30 கிராமங்கள் தத்தளிப்பு

இந்தியாவின் வடகிழக்கு மாநிலம் அசாமில் கடந்த 2 நாட்களாகப் பெய்து வரும் கன மழையால் ஏற்பட்ட வெள்ளப் பெருக்கில் சிக்கி, 30 கிராமங்கள் தத்தளிக்கின்றன.

அசாமின் உதால்குரி மாவட்டத்தில் கடந்த 2 நாட்களாகப் பெய்து வரும் கன மழையால் வெள்ளப்பெருக்கு ஏற்பட்டுள்ளது. இதன்காரணமாக 20 ஆயிரம் பேர் பாதிக்கப்பட்டுள்ளனர். அவர்கள் பள்ளிகளிலும், உயரமான பகுதிகளிலும் தங்க வைக்கப்பட்டுள்ளனர். இதற்கிடையே, ஏராளமான கால்நடைகள் வெள்ளத்தில் அடித்துச் செல்லப்பட்டன. 30 கிராமங்கள் நீரில் தத்தளிக்கின்றன. மழை - வெள்ளம் காரணமாக, உதால்குரி மாவட்டத்தில் உள்ள தொலை தூரப் பகுதியான பேர்கானுக்குச் சாலை வசதி துண்டிக்கப்படுள்ளது. வெள்ள நிலைமையை மாவட்ட நிர்வாகம் கண்காணித்து வருகிறது.